كيف مات أخطر رجل في المكسيك على سرير التجميل؟

في شهر 7 سنة 1997، بمستشفى “سانتا مونيكا” بالعاصمة المكسيكية، كان في جثة ممددة على سرير العمليات. مشوهة بالكامل، ملامح الوجه مختفية تماماً، وآثار جراحة تجميلية فاشلة واضحة عليها. الدكاترة والممرضين بالغرفة كانوا بيرجفوا من الرعب! الرعب ما كان من منظر الدم، الرعب كان لأنهم عرفوا مين هاد الزلمة! هاد ما كان مريض عادي، هاد كان أغنى وأقوى رجل بالمكسيك كلها، رجل بيمتلك أسطول طيارات نفاثة خاصة فيه أكبر من شركات طيران لدول كاملة!
الشرطة الفيدرالية طوقت المستشفى بدقائق، والعالم كله وقف على إجر وحدة ناطر خبر واحد: هل فعلاً “سيد السماوات” مات؟ ولا هي وحدة من ألاعيبه الذكية عشان يختفي؟ يا هلا فيكم بقصص عماد، اليوم رح نحكي قصة “أمادو كاريو فوينتيس”، الرجل اللي غيّر مفهوم تهريب المخدرات بالعالم وجمع 25 مليار دولار.